Vəkillər Mzia Amağlobelinin “Vivamed” klinikasından cəzaçəkmə müəssisəsinə köçürülməsi haqda məlumat verirlər

“Batumelebi” və “Netgazeti”nin təsisçisi Mzia Amağlobelini “Vivamed” klinikasından cəzaçəkmə müəssisəsinə köçürüblər. Amağlobelinin vəkilləri bu məlumatı Gürcüstanın Birinci Kanalına təsdiqləyiblər.

Mzia Amağlobelini müayinələr aparmaq məqsədi ilə fevralın 4-də həbsxanadan “Vivamed” klinikasına aparıblar və bu vaxta qədər orada qalırdı. O, fevralın 18-də aclıq aksiyasına son qoyub.

Məlumat üçün bildirək ki, Batuminin Şəhər Məhkəməsi polisə hücum ittihamı ilə saxlanılmış Mzia Amağlobeli barəsində yanvarın 14-də qətimkan tədbiri olaraq həbs qətimkan tədbiri seçib.