Vəkillər Andro Cicinadze, Onise Tsxadadze və qrup halında zorakılıqda təqsirləndirilən daha 9 nümayişçinin barəsində seçilən həbs qətimkan tədbirinin dəyişdirilməsini tələb edirlər.

Vəkillərin bəyanatına əsasən, ittiham tərəfinin sübutlarının tədqiqi təqsirləndirilən şəxslərin günahsız olduğunu göstərib. Onların sözlərinə əsasən, işin baş müstəntiqinin ifadəsi ilə də təqsirləndirilən şəxslərin bir-biri ilə əlaqəsinin olmadığı və cinayət törətmədiyi bir daha təsdiqlənib.

Vəkillər həbsi siyasi adlandırır və saxlanılan şəxslərin ölkənin Avropa gələcəyini müdafiə etdiklərini bildirirlər.

Məhkəmə prosesində bu vaxta qədər həbs qətimkan tədbirinin dəyişdirilməsini müzakirə edirlər. Bundan əvvəl hakim Nino Qalustaşvili ekspertizanın rəyinin əlavə sübut kimi işə əlavə edilməsi ilə bağlı Cano Arçaia və Quri Mirtsxulavanın vəkili Omar Purtseladzenin vəsatətini təmin edib. O, həmçinin qeyd olunan ekspertiza rəyini verən ekspert, “Yeni Alternativ” müstəqil ekspertiza mərkəzinin direktoru Marika Toklikişvilinin dindirilməsi ilə bağlı vəsatəti təmin edib.

Vəkilin dediyi kimi, 2025-ci ilin iyulun 30-da verilmiş ekspertizanın rəyi müvəkkili Cano Arçaiaya qarşı videonun montaj edildiyini və kontekstdən çıxarıldığını təsdiqləyir. O bildirib ki Arçaia və Quri Mirtsxulavanın əllərində tutduqları əşyaları müəyyən etmək imkansızdır. Vəkilin dediyi kimi, videoda polisin əşyanı atdığı, Mirtsxulavanın onu götürüb geri atması, lakin əşyanın yerə düşməsi və polisə dəyməməsi görünür.