İctimai Yayımçının Qəyyumlar Şurasının sədri Vasil Mağlaperidzenin Qəyyumlar Şurasının iclasında verdiyi bəyanat:

Bu gün İctimai Yayımçını terror etmək üçün məqsədyönlü kampaniya mövcuddur. Bu kampaniya uzun müddətdir başlayıb və mütəşəkkil qruplar, trollar/botlar, muzdlu insanlar tərəfindən aparılır, ailələrin məhv edilməsi də daxil olmaqla, məqsədyönlü təhdidlər edilir. Söz azadlığı altında İctimai Yayımçını siyasətə cəlb etmək üçün davamlı cəhdlər edilir.

Əgər kimsə “POSTV” və “Imedi”yə hücumun yalnız bu iki televiziya kanalına hücum olduğunu zənn edirsə, deməli, o, heç nə bilmir. Sanksiya təhdidləri nə vaxtdan olub? Sanksiyalar haqqında ilk danışan kim idi? Yeri gəlmişkən, Qəyyumlar Şurasının bəzi üzvləri və digərləri Tinatin Berdzenişvili ilə mənim sanksiya siyahısına daxil ediləcəyimizi əvvəlcədən bilirdilər. Bu, hər bir insanı, hər bir jurnalisti qorxutmaq üçündür – sizi xaricə artıq buraxmayacaqlar, sizə belə edəcəklər, sizə elə edəcəklər. Yeri gəlmişkən, Britaniyanın 13-cü əsrdə qəbul etdiyi Azadlıqlar Böyük Xartiyasında deyilir ki, heç bir insan mühakimə edilmədən cəzalandırıla bilməz və hər şey bunun üzərində qurulmuşdu. Bu televiziya kanalları bizim rəqiblərimizdir, lakin rəqabət kollegiallığı və həmrəyliyi istisna etmir. Bu, vətənlərini müdafiə etməkdə tamamilə maraqlı olmayan və bütün dəyərləri təhqir etməklə tanınan insanlar tərəfindən – sən russan, sən ölkənin müdafiəçisi deyilsən – qışqırığı ilə ölkən təhdid edildikdə jurnalist həmrəyliyi deyil, vətəndaş həmrəyliyidir. İnsanlar, o cümlədən jurnalistlər, Qəyyumlar Şurasının üzvləri, yox etmə, fiziki məhv haqqında sözün əsl mənasında şərhlər yaza bilərlər. Onlar bizə söz verdilər ki, qalib gəlib parlaq gələcək qurduqda, bizə tamamilə son qoyacaqlar. Onlar ön plandadırlar, silahlı bolşeviklər və arxada isə “ağ yaxalılar”ın dayandığı kimi.

Səfirlərdən də soruşmaq istərdim – onlar İctimai Yayımçının jurnalistləri də daxil olmaqla, birbaşa məhvlə hədələyirlər, onlar Avropa İttifaqı tərəfindən maliyyələşdirilən “mona.ge” veb saytında İctimai Yayımçının direktoru haqqında yazarkən maddi cəhətdən təşviq olunurlar. Jurnalistlərin təqib olunması ilə bağlı səfirlərə, Avropa İttifaqının səfirinə rəsmi olaraq neçə məktub ünvanlamışıq. Diqqət sıfırdır. Niyə? Mediaya təzyiq başqa nədir? Küçəni mənə bağlayanda orada mənəvi travma alan insanlar var idi. Sizə deyirəm, mənim üçün bunun əhəmiyyəti yox idi. Nə dediklərini bilirsinizmi? Bunu rahat buraxın, əsəbləri dəmirdəndir, çevrəsindəki insanlara təzyiq edin. Bu onların funksiyasıdır. Görün, hansı klasterlə qarşı-qarşıyayıq – bu, mənəvi kannibalizmdir, onlar heç nədən geri çəkilməzlər. Gürcü dilində oxuyub-yazmağı bilməyən, təhsili olmayan bir insan sizin yanınıza gəlib sizi təhqir edə bilər.

İctimai Yayımçının bütün əməkdaşlarına, bütün vətəndaşlara demək istəyirəm ki, bu, hamının yanında diz çökəcək dəvədir. Bu rəqabət yeri deyil ki, indi o mənim rəqibimdir, məni incidib və s. Bu, “POSTV” və “Imedi”yə qarşı yönəlməyib, bu, Gürcüstanın müstəqilliyinə qarşı mübarizədir. Gürcüstanı bir ayaq üzərində saxladırdılar və indi ümumiyyətlə diz çökməkdən söz gedir.

Qəyyumlar Şurası televiziyaya ləyaqətlə və ən çətin vəziyyətdə rəhbərlik edir. Qorxutmaqdan söz gedirsə, qoy qorxutduqlarını qorxutsunlar.

Qəyyumlar Şurasının sədri olaraq mən şəxsən səfirlərə müraciət edirəm – mənə elə gəlir ki, onların dəstəyi, təhrikləri ilə İctimai Yayımçının əməkdaşlarına qarşı təqib və təhdid həyata keçirilir. Belə bir əhval-ruhiyyə qalır və bu, çox ağır əhval-ruhiyyə yaradır. Bu o demək deyil ki, İctimai Yayımçı özünü müdafiə etməyəcək, qanun çərçivəsində özünü müdafiə edəcək, lakin bu, çox ağırdır. Eyni zamanda, Avropa və Gürcüstanın bir hissəsi olduğu xristian sivilizasiyası adlanan dəyərlərdən uzaqlaşma var. Bu dəyərlərdən uzaqlaşmanın olması məni çox məyus edir.