Vaxtanq Tsintsadze – Təcrübə proqramına müraciət kifayət qədər yüksəkdir, bu bir daha sübut edir ki, məzunlar üçün dövlət qulluğunda çalışmaq cəlbedicidir

Hökumətin təcrübə proqramı baş nazirin tələbələrə və məzunlara biliklərini artırmaq, yeni təcrübə qazanmaq və ən əsası dövlət qulluğunda işlə təmin olunmaq imkanı verən vacib təşəbbüsüdür – iqtisadiyyat və dayanıqlı inkişaf nazirinin müavini Vaxtanq Tsintsadze bildirib.

Nazir müavininin qeyd etdiyi kimi, təcrübə proqramına müraciət adətən kifayət qədər yüksəkdir. Vaxtanq Tsintsadzenin qiymətləndirməsinə əsasən, bu bir daha təsdiqləyir ki, ali təhsil müəssisələrinin məzunları üçün dövlət qulluğunda çalışmaq cəlbedicidir.

“Qeyd olunan məsələ, təbii ki, dövlət sektoru üçün də vacibdir, çünki onun fəaliyyəti birbaşa ölkənin ictimai maraqlarına və ictimai rifahın yaradılmasına xidmət edir. Müvafiq olaraq, bizim əsas prioritetlərimizdən biri həm tələbələrin, həm də məzunların bilik və peşəkar bacarıqlarının inkişafına maksimum dəstək olmaq, onların dövlət qulluğunda işlə təmin olunmaları və peşəkar baxımdan özlərini reallaşdırmaları üçün imkanlar yaratmaqdır” – nazir müavini qeyd edib.