Gürcüstan polisi layiqli, peşəkar əməkdaşlardan ibarətdir, ölkənin təhlükəsizliyinin qorunmasında onların hər birinin rolu çox önəmlidir. – Bu barədə Gürcüstanın daxili işlər naziri Vaxtanq Qomelauri Polis Gününə həsr olunmuş təntənəli tədbirdə məlumat verib.

Qomelauri çıxışında polislər üçün layiqli iş şəraitinin və dövlətin dəstəyinin vacibliyindən də danışıb.

“Daxili işlər naziri kimi mən fəxr edirəm ki, bu gün Gürcüstan polisi müasir texnologiyalar və güclü analitik sistemlərlə təchiz olunub, bizim sağlam hüquqi bazamız var, uğurlu beynəlxalq əməkdaşlığa, ehtiyaclara və cari çağırışlara uyğunlaşdırılmış strateji baxışlara və sənədlərə malikik. Nazirlik müvafiq infrastruktura, avadanlıq və maddi-texniki bazaya, yenilənmiş avtoparka və silahlanmaya malikdir. Polislər, hər il artan və bu il görünməmiş səviyyəyə çatan cinayətlərin açılmasının göstəriciləri məhz sizin peşəkarlığınız və yüksək ixtisasınızdır. Polis əməkdaşının layiqli iş şəraitinin olması, daim dövlətin dəstəyini və minnətdarlığını hiss etməsi lazımdır. Mən fəxrlə deyə bilərəm ki, Gürcüstan polisi layiqli, peşəkar və fədakar əməkdaşlardan ibarətdir. Ölkəmizin təhlükəsizliyinin qorunmasında hər birinizin rolu çox mühümdür. Polislər, sizi bir daha Polis Günü münasibətilə təbrik edirəm. Biz birgə səylə, layiqli mübarizə və fədakarlıqla ölkəmiz üçün çoxlu xeyirli işlər görmüşük və bundan sonra da edəcəyik. Sizə dinc ölkədə vətənimizə və xalqımıza ləyaqətlə xidmət etməyi arzulayırıq”, – deyə Vaxtanq Qomelauri bildirib.