Tbilisi Meriyasının Ətraf Mühitin Mühafizəsi Şəhər Xidməti Vake parkında fəvvarələrin və şəlalənin bərpasına başlayıb – bu barədə Tbilisinin meri Kaxa Kaladze bələdiyyə hökumətinin bugünkü iclasında deyib.

Onun izahatına əsasən, birinci mərhələdə müvafiq tədqiqatlar və detallı layihələndirmə aparılacaq.

“İşlər çərçivəsində mövcud fəvvarələr və şəlalə ilk görünüşündə olduğu kimi bərpa olunacaq, eyni material qalacaq; enerjiyə qənaət edən işıqlandırma sistemi quraşdırılacaq; drenaj, su təchizatı və elektrik sistemləri tamamilə yenilənəcək; hovuzlar və şəlalədə hidroizolyasiya işləri aparılacaq; uyğun spesifikasiyalı nasoslar quraşdırılacaq” – Kaxa Kaladze bildirib.

Tbilisinin meri bildirib ki, layihədə obyektin istismarı ilə bağlı təlimatlar və tövsiyələr yazılacaq.

“Layihələndirmə işləri mövcud fəvvarələrin və şəlalənin vəziyyətinin ətraflı təhlilini və mühəndis-geoloji tədqiqatları əhatə edir. Tenderdə iştirak edən şirkətin zəruri şərti o idi ki, işləri yerinə yetirəcək şirkətin özü və ya onun əməkdaşı 2020-ci ilin yanvarın 1-dən Avropa İttifaqına üzv ölkələrin ərazisində (EN50110-1 standartına uyğun olaraq) fəvvarələrin təşkili/bərpası və layihələndirilməsində iştirak təcrübəsinə malik olmalı idi. Düşünürəm ki, baş vermiş faciədən sonra avropalı mütəxəssislərin bu layihəyə cəlb olunması vacibdir” – Kaxa Kaladze qeyd edib.

O, işlərin 2027-ci ilin yazında tam başa çatdırılacağını bildirib.