Biz ikitərəfli münasibətlərin möhkəmləndirilməsi və dərinləşdirilməsi üçün əlimizdən gələni edirik. Əmin olun ki, Ermənistan tərəfinin mövqelərində və yanaşmalarında heç bir dəyişiklik olmayacaq – bunu Ermənistanın prezidenti Vahaqn Xaçatryan Gürcüstanın baş naziri İrakli Kobaxidze ilə təkbətək görüş zamanı bildirib.

Onun sözlərinə görə, Gürcüstan və Ermənistanın ortaq arzusu regionda sülhün və sabitliyin təmin olunmasıdır.

“Gürcüstan hakimiyyətinə isti qarşılama üçün böyük təşəkkür edirəm. Dünən gəlmişəm, amma elə hiss edirəm ki, guya həmişə burada olmuşam. Bu, bizə göstərilən diqqət və burada yaradılan şəraitlə bağlıdır. Əminəm ki, bu həmçinin baş nazirlərin şəxsi münasibətləri və etibarlı tərəfdaşlığının nəticəsidir. Yüksək səviyyəli görüşlər münasibətlərimizi möhkəmləndirir və yeni imkanlar yaradır. Biz ikitərəfli münasibətlərin gücləndirilməsi və dərinləşdirilməsi üçün əlimizdən gələni edirik. Əmin olun ki, Ermənistan tərəfinin yanaşmalarında və mövqelərində heç bir dəyişiklik olmayacaq. Bizim ortaq arzumuz regionda sülh və sabitlik, daxili siyasi davamlılıqdır. Düşünürəm ki, həm Gürcüstanın, həm də Ermənistanın əhalisi hökumətlərin ölkələrimizin suverenliyinə və müstəqilliyinə yönəlmiş səylərini yüksək qiymətləndirəcək,” – deyə Vahaqn Xaçatryan bildirib.