ABŞ Gürcüstan hökumətinin anti-demokratik hərəkətlərindən dərin narahat olmaqda davam edir. – Bu barədə ABŞ dövlət katibinin müavini Uzra Zeia Gürcüstanın baş naziri İrakli Kobaxidze ilə görüşdən sonra sosial şəbəkədə yazıb.

ABŞ dövlət katibinin müavininin qeyd etdiyi kimi, o, Gürcüstan hökumətini kursu düzəltməyə çağırır.

“Mən baş nazir İrakli Kobaxidze ilə səmimi fikir mübadiləsi apardım. ABŞ Gürcüstan hökumətinin anti-demokratik hərəkətlərindən, o cümlədən onun Avropa İttifaqına gedən yolunu və ABŞ ilə münasibətlərini sarsıdan xarici təsir qanunu və ritorikasından dərin narahatdır.

Biz Gürcüstan hökumətini kursu düzəltməyə və Gürcüstanın Avropa gələcəyi üçün cəmiyyətin istəklərini yerinə yetirməyə çağırırıq”, – Uzra Zeia yazır.