Təşəkkür edirəm Gürcüstan, iki günlük möhtəşəm yarışa görə təşəkkür edirəm Qudauri. – Bunu Beynəlxalq Kayak Federasiyasının (FIS) yarış direktoru Uve Beyer deyib.

“Qudauridə iki qeyri-adi yarışımız oldu”. Dağ Yolları Agentliyi və Xizək Federasiyası tərəfindən yaxşı təşkil olunmuşdu. Tədbirin uğurlu keçməsi üçün hər kəs çox həvəsli idi. Yüksək səviyyəli snoubord kross yarışı idi, idmançılar razı qaldılar, üzlərində təbəssüm vardı. Təşəkkür edirəm Gürcüstan, bu iki gözəl yarış gününə görə Qudauriyə təşəkkür edirəm. Biz buraya qayıtdığımız üçün xoşbəxtik.

Qudaurinin kifayət qədər böyük potensialı var, bizim dünya çempionatlarına ev sahibliyi etmək üçün uzunmüddətli planlarımız var. Biz xoşbəxtik ki, Qudauri dünya xəritəsində qeyd olunub və hamı burada keçirilən tədbirlərdən danışır. Biz qayıdacağıq və bu mehriban və qonaqpərvər insanlarla işləməyə davam edəcəyik”. – Beynəlxalq Xizək Federasiyasının yarış direktoru dedi.

Qudauridə snoubord kross növü üzrə Dünya Kubokunun final mərhələsi keçirilib. Yarışda 21 ölkədən (Kanada, ABŞ, Böyük Britaniya, Avstriya, Avstraliya, İsveçrə, Çin, İspaniya, Fransa, Almaniya, İtaliya, Braziliya, Çexiya, Macarıstan, Yaponiya, Hollandiya, Ukrayna, Koreya, Latviya, Estoniya, Rumıniya) 88 idmançı mübarizə aparıb. Yarış Eurosport kanalında canlı yayımlanıb.