Ursula fon der Lyayen – Mən yeni bir beynəlxalq əlaqəlilik layihəsini elan edə bilərəm; bu layihə Cənubi Qafqaz və Mərkəzi Asiyanı birbaşa Avropa bazarı ilə birləşdirəcək – bizim “Orta Dəhliz” adlandırdığımız layihə

“Bu gün mən Cənubi Qafqaz və Mərkəzi Asiyanı birbaşa Avropa bazarı ilə birləşdirəcək yeni beynəlxalq əlaqəlilik layihəsini – bizim ‘Orta Dəhliz’ adlandırdığımız layihəni – elan edə bilərəm”, – deyə Avropa Komissiyasının Prezidenti Ursula fon der Lyayen Avropa Parlamentində “İttifaqın vəziyyəti” ilə bağlı çıxışı zamanı bildirib.

O, həmçinin qeyd etdi ki, Avropa İttifaqı bu il bir sıra ölkələrlə azad ticarət sazişləri imzalayıb. Fon der Lyayen vurğuladı ki, Aİ-nin məqsədi 2030-cu ilə qədər marşrutları şaxələndirmək, ticarət axınlarını üçqat artırmaq və yük daşınması müddətlərini azaltmaqdır.

Bu il biz Hindistan, MERKOSUR ölkələri, Meksika, Avstraliya və İndoneziya ilə azad ticarət sazişləri imzaladıq. Hazırda səksəndən çox ölkə ilə ticarət sazişimiz var – bu, dünyada ən yüksək göstəricidir. Biznes ictimaiyyəti isə bizdən daha çoxunu tələb edir. Bu gün mən yeni bir beynəlxalq əlaqələndirmə layihəsini elan edə bilərəm. Bu layihə Cənubi Qafqaz və Mərkəzi Asiyanı birbaşa Avropa bazarı ilə birləşdirəcək – bizim “Orta Dəhliz” adlandırdığımız marşrutu.”Aİ-nin beynəlxalq investisiya və infrastruktur təşəbbüsü olan ‘Global Gateway’ vasitəsilə biz 12 milyard avroyadək dövlət və özəl investisiyanı səfərbər etməyi hədəfləyirik. Məqsədimiz 2030-cu ilə qədər marşrutları şaxələndirmək, ticarət həcmini üçqat artırmaq və yüklərin tranzit müddətini azaltmaqdır. Bunu reallaşdırmaq üçün Bolqarıstanın Baş naziri ilə birlikdə regional əlaqəlilik sammiti təşkil edəcəyik”, – deyə Ursula fon der Lyayen bildirib.