Müasir dünyanın bütün sahələrində kobud güc üstünlük təşkil edir, buna görə də müstəqilliyini qoruyub saxlamaq üçün Avropanın öz təsir rıçaqlarına və ilk növbədə, ənənəvi Avropa ehtiyatlılığından kənara çıxmasına ehtiyac var – bu haqda Avropa Komissiyasının prezidenti Ursula fon der Laien Avropa Parlamentinin plenar iclasında çıxışında deyib.

“İndi – istər iqtisadi, istər hərbi, istər texnoloji, istərsə də geosiyasi baxımdan kobud güclə müəyyən edilən dünyada yaşayırıq. Çoxumuzun bu xoşuna gəlməsə də, bugünkü kimi olan dünya ilə üz-üzəyik” – fon der Laien bildirib.

Onun bəyanatına əsasən, Avropa İttifaqı müstəqilliyini qorumaq üçün güclü olmalıdır.

“Ətrafımızdakı dünyanın bizi formalaşdırmasını istəmiriksə, özümüzü formalaşdırmaqda güclü olmalıyıq. Getdikcə qanunsuzlaşan bu dünyada Avropanın öz güc rıçaqlarına ehtiyacı var və biz bu rıçaqların nə olduğunu bilirik” – Avropa Komissiyasının prezidenti bildirib.

Bunun üçün, o, Avropanın “ənənəvi Avropa ehtiyatlılığından kənara çıxmalı” olduğunu deyib.