Ursula fon der Laien – Avropa İttifaqı Nepal və Çində daşqınlar nəticəsində zərər çəkənlərə kömək etməyə hazırdır

Avropa İttifaqı Nepal və Çində daşqınlar nəticəsində zərər çəkənlərə kömək etməyə hazırdır – bu barədə Avropa Komissiyasının prezidenti Ursula fon der Laien bildirib.

Avropa Komissiyasının prezidenti həlak olanların ailələrinə başsağlığı verib, fəlakətin nəticələrinin aradan qaldırılmasında iştirak edən xilasedicilərə və ilk reaksiya qruplarına təşəkkürünü bildirib.

“Düşüncələrim zərər çəkən hər kəsin, xüsusən də yaxınlarını itirən və ya hələ də onlar haqqında xəbər gözləyən ailələrin yanındadır” – Ursula fon der Laien sosial şəbəkədə yazır.

Onun sözlərinə əsasən, Nepalda fəlakətdən zərər çəkmiş ərazilərin müşahidəsini və yerlərdə aparılan xilasetmə işlərinə dəstəyi təmin etmək üçün Avropa İttifaqının “Copernicus” peyk sistemi artıq aktivləşdirilib.

“Biz Avropa köməyini daha da gücləndirməyə hazırıq” – Ursula fon der Laien bildirib.