Ukraynanın Xarici İşlər Nazirliyi – Ukrayna NATO-ya üzvlüyün əvəzedicisi olan təminatlardan rəsmi şəkildə imtina edir

 
Ukrayna NATO-ya üzvlüyün əvəzedicisi olan təminatlardan rəsmi şəkildə imtina edir – bu haqda Ukraynanın Xarici İşlər Nazirliyində bildirirlər. Bu haqda məlumatı Ukrayna mediası yayır.

Ukrayna mediasının məlumatına əsasən, ölkənin Xarici İşlər Nazirliyi Rusiyanın təcavüzünün qarşısını almaq üçün vasitə sayıla biləcək mümkün təhlükəsizlik təminatları ilə bağlı bəyanat yayıb.

“Europeiskaya Pravda”nın mənbələri Ukraynanın xarici işlər naziri Andrei Sibiqanın bu mövqeyi dekabrın 3-də Brüsseldə keçiriləcək NATO-nun nazirlərinin görüşü çərçivəsində təqdim etməyi planlaşdırdığını deyiblər.

“Əminik ki, Ukraynanın təhlükəsizliyinin yeganə real təminatı, eləcə də Rusiyanın Ukraynaya və digər dövlətlərə qarşı növbəti təcavüzünün qarşısını ala biləcək şey Ukraynanın NATO-ya tamhüquqlu üzvlüyüdür” – bəyanatda deyilir.

Bununla yanaşı, sənəddə Ukraynanın üzvlüyün əvəzedici formatlarından əvvəlcədən imtina etdiyi qeyd edilir.

“Budapeşt Memorandumunun acı təcrübəsinə əsaslanaraq, biz Ukraynanın NATO-ya tamhüquqlu üzvlüyünə alternativ, surroqat və ya əvəzedici qəbul etməyəcəyik” – Ukraynanın Xarici İşlər Nazirliyində qeyd edirlər.

Ukraynanın Xarici İşlər Nazirliyi Budapeşt Memorandumunu imzalamış ABŞ və Böyük Britaniyaya, ona qoşulmuş Fransa və Çinə, Nüvə Silahının Yayılmaması haqqında Müqavilənin iştirakçısı olan bütün dövlətlərə Ukraynanın NATO-ya indi qəbulunu dəstəkləmək üçün müraciət edir. Bu isə, onların dediyinə görə, Rusiyanın şantajına qarşı effektiv müqavimətə çevriləcək. Ukraynanın Xarici İşlər Nazirliyinin bəyanatında qeyd olunub ki, bu, təkcə Ukraynanın və Avropanın təhlükəsizliyinə aid deyil, çünki Ukraynaya hücum nüvə tərksilahı ideyasına inamı sarsıdıb.