Ukraynanın Xarici İşlər Nazirliyi müşahidə missiyalarında iştirak edən Ukrayna vətəndaşlarını Macarıstanın seçkilərində müşahidəçi statusu ilə iştirak etməməyə çağırır.

“Macarıstan hakimiyyətinin zehnində nə baş verdiyini bilmədiyimizi nəzərə alaraq, Macarıstana səyahət etməkdən çəkinmək çağırışı qüvvədə qalır. Biz rəsmi olaraq Macarıstana müşahidəçilər göndərməkdən çəkinməyə çağırdıq və beynəlxalq missiyalarda xidmət edən ukraynalılara da rəsmi Budapeştin Ukraynanı seçki kampaniyası, manipulyasiya və təxribat mövzusuna nə dərəcədə çevirdiyini dərk edərək, Macarıstanın seçkilərinə müşahidəçi kimi gəlməkdən və qeydiyyatdan keçməkdən çəkinməyi tövsiyə edirik” – Ukraynanın Xarici İşlər Nazirliyinin sözçüsü Qeorqi Tixi qeyd edib.

Macarıstanda parlament seçkiləri aprelin 12-nə planlaşdırılır.