Gürcüstan Sumi bölgəsinə doqquz sənaye generatoru təhvil verib – məlumatı Ukraynanın Xarici İşlər Nazirliyi yayır. Onların məlumatına əsasən, yanvarın 5-də Ukraynada Gürcüstanın işləri üzrə müvəqqəti nümayəndə İrakli Abesadze Sumi hərbi administrasiyasının səlahiyyətli nümayəndəsinə müxtəlif tutumlu doqquz sənaye generatoru təhvil verib.

Onların məlumatında, Gürcüstan hökumətinin Ukraynanın bölgələrində rus təcavüzü nəticəsində zərər çəkənlərin dolanışıq mənbəyini təmin etmək üçün 553 000 ABŞ dollarından çox vəsait ayırdığı deyilir.

“Bu humanitar yardım gündəlik terror hücumları, eləcə də güclü soyuq zamanı son dərəcə vacibdir və vaxtında çatdırılıb. Bu, gündəlik düşmən təhlükəsi zonasında olan və mülki infrastruktura və mülki əhaliyə qarşı qəddar hücumlar yaşayan Sumi bölgəsinin dayanıqlığını gücləndirməyə kömək edəcək. Rusiya Federasiyasının genişmiqyaslı işğalının başlamasından bəri Kiyev, Lvov, Xarkov, Nikolayev və Qostomeldəki sosial və infrastruktur obyektləri üçün Ukraynaya artıq 27 güclü generator, eləcə də Sumi bölgəsi üçün doqquz generator göndərən Gürcüstan hökumətinə səmimi qəlbdən minnətdarıq” – bəyanatda deyilir.