Səfirliyin əməkdaşları Ukrayna vətəndaşları ilə görüşmək və onların saxlanması ilə bağlı bütün şəraiti aydınlaşdırmaq məqsədilə Gürcüstanın hüquq-mühafizə orqanlarından icazə almaq üçün hərtərəfli tədbirlər görürlər – bu barədə Ukraynanın Gürcüstandakı səfirliyinin bəyanatında deyilir.

Bəyanata əsasən, səfirlik iki Ukrayna vətəndaşına qarşı cinayət işinin başlanması ilə bağlı gürcü tərəfindən rəsmi məlumat almayıb.

“Ukraynanın Gürcüstandakı səfirliyi “gürcü hüquq-mühafizə orqanları tərəfindən partlayıcı maddə “Heksogen”in qanunsuz daşınmasında şübhəli bilinən iki Ukrayna vətəndaşının saxlanılması” ilə bağlı gürcü mediasında yayılan məlumatın daimi monitorinqini aparır. Hal-hazırda, səfirlik onlara qarşı bu ittihamlarla cinayət işinin başlanması ilə bağlı gürcü tərəfindən rəsmi məlumat almayıb. Səfirliyin konsulluq əməkdaşları yuxarıda qeyd olunan Ukrayna vətəndaşları ilə görüşmək və onların saxlanması ilə bağlı bütün şəraiti aydınlaşdırmaq məqsədilə Gürcüstanın hüquq-mühafizə orqanlarından icazə almaq üçün hərtərəfli tədbirlər görürlər” – Ukraynanın Gürcüstandakı səfirliyinin bəyanatında deyilir.

Gürcüstanın Dövlət Təhlükəsizliyi Xidməti və Daxili İşlər Nazirliyi iki Ukrayna vətəndaşını saxlayıb.

Sentyabrın 11-də Dövlət Təhlükəsizliyi Xidmətində keçirilən brifinqdə qeyd olunduğu kimi, cari ilin sentyabrın 10-da Ukrayna dövlət nömrə nişanlı MERCEDES-BENZ markalı yük avtomobili Ukraynadan Gürcüstana Rumıniya və Bolqarıstan ərazisindən keçməklə Türkiyədən dövlət sərhədini keçib və “Sarpi” gömrük-buraxılış məntəqəsindən keçməklə ölkəyə daxil olub. Onun dayandırılması və yoxlanılması nəticəsində nəqliyyat vasitəsində əvvəlcədən diqqətlə maskalanmış gizli saxlanc yerlərində yerləşdirilmiş 2.4 kiloqram partlayıcı maddə — “Heksogen” tapılıb.

Dövlət Təhlükəsizliyi Xidmətinin məlumatına əsasən, əməliyyat materiallarına əsasən, Ukraynadan gətirilən partlayıcı maddənin son təyinat yeri kimi Tbilisi, Avlabari ərazisində yerləşən yaşayış evlərindən biri müəyyən edilib.