Ukrayna və tərəfdaş ölkələr müdafiə istehsalı mexanizminin yaradılması barədə razılaşdılar – bu barədə Ukraynanın müdafiə naziri Rustem Umerov bildirib.

O, ölkələrin bu qərarları “Ramstein” formatında görüşdə qəbul etdiklərini deyib.

Umerov, yeni formatın yaradılması ideyasının Ukraynanın müdafiə şirkətlərinə məxsus olacaq yeni müdafiə istehsalının qurulmasında yardım təklif edən Qərb ölkələrinə məxsus olduğunu bildirib.

“Tərəfdaşlar məndən Ukrayna şirkətlərinin onların ölkələrində ən son məhsulları istehsal etmək üçün müəssisələr tikə bilib-bilməyəcəyini soruşdular. Tərəfdaşlarımız istehsal üçün tam ödəməyə hazırdırlar və məhsullar müharibə davam edərkən Ukraynaya yönləndiriləcək. Bu təşəbbüslə ukraynalı istehsalçılar tərəfdaş ölkələrə sərmayə qoya biləcəklər” – nazir qeyd edib.

Umerov hansı dövlətlərin investisiya əməkdaşlığına maraq ifadə etdiyini dəqiqləşdirməyib, lakin Almaniyanın müdafiə naziri Boris Pistoriusun Ukraynada uzaqmənzilli silahların istehsalını dəstəklədiyi məlumdur.