Ukraynanın müdafiə naziri – Dronların köməyi ilə Krım təcrid olunub və görünən odur ki, tezliklə adaya çevriləcək, ruslar üçün cəhənnəm başlayır

“Krım tezliklə adaya çevriləcək” – bu haqda Ukraynanın müdafiə naziri Mixail Fedorov bildirir.

Nazirin “PRESSING” “YouTube” kanalına verdiyi müsahibədə dediyi kimi, Ukrayna dronları tərəfindən həyata keçirilən hücumlar səbəbindən müvəqqəti işğal olunmuş Krım yarımadası tezliklə Rusiyadan daha çox təcrid olunacaq.

“Krım dronların köməyi ilə təcrid olunub və yaxın gələcəkdə görünən odur ki, Krım adaya çevriləcək. Bu, ruslar üçün çox gözlənilməz nəticələrə səbəb ola bilər. Daha artıq heç nə deyə bilmərəm” – o, bildirib.

Fedorov həmçinin qeyd edib ki, 2026-cı ilin ilk dörd ayı ərzində Müdafiə Nazirliyi 300%-dən daha çox orta mənzilli dron əldə edib və Ukrayna bu dronlardan Azov bölgəsinə hücum etmək üçün müntəzəm olaraq istifadə edir.

“Beləliklə, ruslar üçün cəhənnəm başlayır və bununla mübarizə aparmaq çox çətindir. Bizim imkanlar pəncərəmiz var. Logistika qapanır, Krım təcrid olunur, bu şərqə təsir göstərir. Logistikanı nə qədər gücləndirdiyimizlə cəbhə xəttində baş verən hücumların sayı arasında birbaşa əlaqə var” – Fedorov bildirib.