Rus dronları Ukraynanın cənubunda Odessa vilayətində qaz nəqli sisteminə hücum ediblər – məlumatı Ukraynanın energetika nazirinin müavini Mikola Kolisnik yayır.

Məlum olduğu kimi, kəmər vasitəsilə Yunanıstandan Ukraynaya Amerika mayeləşdirilmiş təbii qazı nəql edilir. Mikola Kolisnik zərərin miqyası barədə izahat verməyib.

“Təkcə son 24 saat ərzində düşmənin, xüsusən də Odessa bölgəsində, o cümlədən qaz nəqli sisteminə və qaz nəqli sistemi müəssisələrinə necə məqsədyönlü şəkildə zərbələr endirdiyini gördük. Energetika sistemində mövcud vəziyyət inteqrasiya olunmuş enerji sisteminin bütün elementlərində ötürücü sistemin kütləvi bombalanması, eləcə də lokal bombardman nəticəsində cari bombardmanlarla ağırlaşıb” – Kolisnik bildirib.

Ukrayna mediasının yazdığı kimi, Rusiya son aylarda Ukraynanın qaz və energetika infrastrukturuna hücumların sayını və intensivliyini kəskin şəkildə artırıb.