Rusiyanın Ternopola hücumu nəticəsində 10 nəfər həlak olub və 37 nəfər yaralanıb, yaralılardan 12-si uşaqdır, vətəndaşlar dağıntılar altında qalıblar. Bu haqda məlumatı Ukraynanın daxili işlər naziri İqor Klimenko yayır.

Klimenko Ternopolda iki doqquzmərtəbəli yaşayış binasının zərər gördüyünü bildirib. Binalardan biri 9-cu mərtəbədən 3-cü mərtəbəyə qədər uçub. Ərazidə bloklanmış mənzillərdən əhali təxliyə olunur.

Klimenko Lvov, İvano-Frankovsk və Ternopol vilayətlərinin kütləvi zərbələrin hədəfinə çevrildiyini bildirib. Xilasetmə dəstələri hazırda doqquz yerdə texnika ilə işləməyə davam edirlər.

Sübh tezdən Rusiya Ukraynaya raketlər və dronlarla hücum edib. Ukrayna Prezidenti Volodimir Zelenski Rusiyanın Ukrayna istiqamətində 470 pilotsuz uçuş aparatı və 48 müxtəlif tipli raket atdığını bildirib.