Ukraynanın Ali Radası korrupsiya qalmaqalı ilə əlaqədar ədliyyə və energetika nazirlərini vəzifələrindən azad edib.

Parlamentin 315 üzvü Ukraynanın energetika naziri Svetlana Qrinçukun vəzifədən azad edilməsini dəstəkləyib. Ədliyyə naziri Qerman Qaluşçenkonun vəzifədən azad edilməsini isə parlamentin 323 üzvü dəstəkləyib.

Qəbul edilmiş qərar layihəsində qeyd olunub ki, Konstitusiyanın 85-ci maddəsinin 1-ci hissəsinin 12-ci bəndinə uyğun olaraq Qaluşçenko vəzifədən azad edilir, bu da Radanın Nazirlər Kabineti üzvlərinin vəzifədən azad edilməsi barədə qərar qəbul etmək hüququna malik olması deməkdir.

Radanın spikeri Ruslan Stepançuk qeyd edib ki, baş nazir Yuliya Sviridenko Beynəlxalq Valyuta Fondu ilə əlaqəli danışıqlarda iştirak etdiyi üçün sessiyada iştirak edə bilməyəcək. O, Avropaya inteqrasiya məsələləri üzrə Ukraynanın vitse-baş naziri Taras Kaçkanın hökuməti təmsil edəcəyini bildirib.

Bununla yanaşı, parlamentin çağırmasına baxmayaraq, Qaluşçenko və Qrinçuk iclasda olmayıblar. Stepançuk, onların hazırda harada olduqları barədə məlumata malik olmadıqlarını deyib.