Ukrayna 18-dən 22 yaşadək kişilərin sərhədi keçmək qaydalarını yeniləyib, buna əsasən, onların sərhədi keçmək hüququ olacaq – bu barədə Ukraynanın Baş naziri Yuliya Sviridenko bildirib.

“Müvafiq yaşda olan bütün vətəndaşlardan söz gedir” – Sviridenko xüsusilə qeyd edib.

Bununla yanaşı, Ukraynanın Baş naziri bildirib ki, bu qərar müxtəlif səbəblərdən xaricdə olan vətəndaşlara da şamil edilir.

“Biz ukraynalıların Ukrayna ilə əlaqələrini maksimal şəkildə qoruyub saxlamalarını istəyirik. Dəyişikliklər qətnamənin rəsmi dərcindən bir gün sonra qüvvəyə minəcək” – Sviridenko yazır.

Bundan əvvəl, avqustun 12-də Ukrayna Prezidenti Volodimir Zelenski hökumətə gənc ukraynalıların dövlət sərhədini keçməsinin sadələşdirilməsi imkanları üzərində işləməyi tapşırmışdı.