Ukrayna Silahlı Qüvvələri Dnepropetrovsk vilayətini demək olar ki, tamamilə azad edib – bu haqda Ukrayna Ordusunun Baş Qərargahının Baş Əməliyyat İdarəsinin rəisi general-mayor Aleksandr Komarenko bildirib.

General-mayor qeyd edib ki, bu uğurlar sayəsində fevral ayında itirilən ərazidən daha çox ərazi azad edilib.

“Ərazimizin 400 kvadrat kilometrdən çoxu artıq azad edilib. Arxa zonada nisbətən kiçik ərazi ora daxil olan düşmən elementlərindən təmizlənib. Dnepropetrovsk vilayətinin demək olar ki, bütün ərazisi azad edilib. Üç kiçik yaşayış məntəqəsi bitiriləsidir və daha ikisi təmizlənməlidir” – Aleksandr Komarenko qeyd edib.

Həmçinin, Komarenko izah edib ki, bu, bütün təsdiq və koordinasiya prosedurlarından keçmiş planlaşdırılmış hücum əməliyyatı olub. Desant hücum qoşunları və bu ərazini müdafiə edən mexanikləşdirilmiş briqadalar əməliyyatı həyata keçirirdilər.