Ukrayna Rusiyanın ən iri neft emalı zavodlarından birinə və hərbi zavoda zərbələr endirib

Ukrayna Rusiyanın ən iri neft emalı zavodlarından birinə və hərbi zavoda zərbələr endirib

Ukrayna Rusiyanın ən iri neft emalı zavodlarından birinə və hərbi zavoda zərbələr endirib.

Gecə saatlarında pilotsuz uçuş aparatları Rusiyanın bir neçə regionuna hücum edib. Nəticədə bir sıra sənaye obyektlərində yanğın baş verib.

Ulyanovskda gecə hücumunun hədəfi “Zavod İskra” elmi-istehsalat müəssisəsi olub.

Şirkət “Almaz-Antey” konserninin tərkibinə daxildir və elektron avadanlıqların, ölçü cihazlarının, rabitə avadanlıqlarının, həmçinin xüsusi təyinatlı nəqliyyat vasitələrinin komponentlərinin istehsalı üzrə ixtisaslaşıb. Müəssisə, xüsusilə, “Kh-59M2/M2A” idarəolunan raketlərinin komponentlərini istehsal edir.

Hücumun digər hədəfi Perm şəhəri olub. Burada “Lukoyl-Permnefteorgsintez” neft emalı zavodunda yanğın baş verib.

Bu, Rusiyanın əsas neft emalı müəssisələrindən biridir. Zavod ildə 13 milyon tondan çox neft emal edir və yüksək keyfiyyətli benzin, dizel yanacağı, aviasiya kerosini və sürtkü yağları da daxil olmaqla, geniş çeşiddə məhsul istehsal edir.

Neft emalı zavodu regionun əsas sənaye obyektlərindən biri olmaqla yanaşı, Rusiyanın ən texnoloji cəhətdən inkişaf etmiş müəssisələrindən biri hesab olunur. Zavod həm daxili, həm də ixrac bazarlarını yanacaqla təmin edir.