Ukrayna Prezidentinin müşaviri – “SpaceX” ukraynalı hərbçilər üçün “Starlink”in iş sürətini məhdudlaşdırıb, hərbçilərə əvvəlcədən xəbərdarlıq edilməyib, bu da bir neçə missiyanın pozulmasına səbəb olub

13:14, 14.10.2026

 

“SpaceX” şirkəti ukraynalı hərbçilər üçün “Starlink”in iş sürətini məhdudlaşdırıb – bu barədə Ukrayna Prezidentinin müşaviri Serqey Beskrestnov açıqlayıb.

O, “SpaceX”in hərəkətdə olan “Starlink” terminalları üçün sürət məhdudiyyətini oktyabrın 14-nə keçən gecə qüvvəyə mindirdiyini bildirib.

“Hazırda məhdudiyyət “StarShield” hərbi paketinə şamil olunur və sürət saatda 100 mil ilə müəyyən edilir. Ukrayna Müdafiə Qüvvələrinə bu məhdudiyyət barədə əvvəlcədən xəbərdarlıq edilməyib, bu da bir neçə missiyanın pozulmasına səbəb olub” – Ukrayna Prezidentinin müşaviri açıqlayıb.

Onun ehtimalına görə, bu qərar təsadüfi olmaya bilər və “mövcud siyasi vəziyyətlə bağlı ola bilər”.

Bundan əvvəl Ukrayna Prezidenti Volodimir Zelenski oktyabrın 14-nə keçən gecə Rusiyanın Ukraynanın energetika infrastrukturuna məqsədyönlü ballistik zərbə endirdiyini bildirmişdi, o bunun ABŞ-a qarşı misilsiz hörmətsizlik nümayişi olduğunu bəyan etmişdi. Zelenski Amerikanı sərt reaksiya verməyə çağırıb.

Mediada ABŞ-nin Ukraynanı kəşfiyyat məlumatlarının bölüşdürülməsini və prioritet ehtiyaclar siyahısı mexanizmini dayandıracağı ilə hədələdiyi barədə məlumat yayılırdı. Donald Trampın özü isə ABŞ-nin Ukraynaya kəşfiyyat məlumatlarının verilməsini dayandırmaq niyyətində olması barədə məlumatı təkzib edib.

Oxşar