Ukrayna prezidenti sanksiyalara məruz qalan və ikili vətəndaşlığı olan 4 nəfəri vətəndaşlığından məhrum etdi

Ukrayna prezidenti sanksiyalara məruz qalan və ikili vətəndaşlığı olan 4 nəfəri vətəndaşlığından məhrum etdi. Ukrayna mətbuatının yazdığı kimi, söhbət dörd qaçaqmalçıdan gedir.

Prezident Vladimir Zelenskinin dediyinə görə, müvafiq əməliyyat Ukrayna Təhlükəsizlik Xidməti tərəfindən həyata keçirildi və  Ukrayna ərazisində fəaliyyət göstərən, adları Ukrayna Təhlükəsizlik və Müdafiə Şurasının “qara siyahısına” daxil edilən və adıçəkilən şəxslərə qarşı yönəlmişdi, Rusiya və Rumıniya daxil olmaqla ikili vətəndaşlığa malik olduqları müəyyən edildi. Ukrayna prezidenti ofisidə konkret kimdən söhbət getdiyini açıqlamırlar.

Prezident Zelenskinin məlumatına görə, qaçaqmalçılara vəzifələrindən azad edilən və qanun qarşısında cavab verəcək yüksək rütbəli Ukrayna gömrükçüləri də köməklik edirdilər.

Sentyabrın 7-də Ukrayna Təhlükəsizlik Xidməti Ukrayna Təhlükəsizlik və Müdafiə Şurasının “qara siyahısına” daxil edilmiş şəxslərin fəaliyyətinə şərait yaradan gömrük əməkdaşlarını aşkar etdi.