Ukrayna Müdafiə Nazirliyi Rusiyanın şərqdəki qüvvələrinin yenidən qruplaşdırılmasını başa çatdırdığını və hücuma keçməyə hazır olduğunu bildirib. Bu barədə Ukrayna Müdafiə Nazirliyinin mətbuat katibi Aleksandr Motuzyanik bildirib.

“Hazırda təcavüzkar Şərq Əməliyyat Bölgəsində hücuma başlamaq üçün qoşunların yenidən qruplaşdırılmasını başa çatdırıb. Hücum qrupları əlavə rus bölmələrinin yerləşdirilməsi ilə gücləndirildi. Ən şiddətli döyüş əməliyyatları Slobojansk və Donetsk əməliyyat rayonlarında aparılır”, – Motuzyanik bildirib.

Motuzyanikin sözlərinə görə, eyni zamanda Rusiya Ukrayna infrastrukturunu raket və artilleriyadan atəşə tutmağı dayandırmır.

“Rusiya aviasiyasının əməliyyat-taktiki uçuşları bir yarım dəfə artıb. İşğalçı Donetsk və Luqansk vilayətlərinə tam nəzarət yaratmaq və Krım Muxtar Respublikasının işğal olunmuş əraziləri ilə quru dəhlizinin sabitliyini təmin etmək üçün Ukraynanın şərqində hücuma hazırlaşır”, – Motuzyanik bildirib.