Rusiyada Krasnodar diyarının Beloreçensk rayonunda kimyəvi zavoda dronlarla hücum yanğınla müşaiyət olunub.

Ukrayna mediasının məlumatına əsasən, hücuma görə zavodun ərazisindən personalın təxliyəsi lazım gəlib.

Onların məlumatına əsasən, zavodun ərazisində 50 kvadratmetr sahədə yanğın baş verib və onu tez bir zamanda söndürüblər.

“Sentyabrın 25-i gecəsi bələdiyyənin iri müəssisələrindən birinin yaxınlığına dronun parçaları düşüb. Zavodun 140-a yaxın işçisi qoruyucu binaya aparılıb” – media vasitələri xəbər verirlər.

Bununla yanaşı, Ukrayna mediası “Reuters”ə istinadən yazır ki, Rusiya tərəfindən Ukraynanın genişmiqyaslı işğalı başlayandan bəri rus ordusunu partlayıcı maddələr və barıtla əsasən beş şirkət təmin edir.

Bu şirkətlər arasında “Eurochem”, “Uralchem”, “UMMC”, “Lukoil” və “Evraz” olub, onların hamısı Roman Abramoviç, Vaqit Alekberov və Dimitri Mazepin kimi məşhur rus milyarderlər ilə bağlı olub.