Ukrayna Baş Prokurorluğunun məlumatına görə, Rusiyanın təcavüzü nəticəsində ölkədə 347 uşaq həlak olub, 648 uşaq yaralanıb

12:48, 10.07.2022

Rusiyanın təcavüzü nəticəsində ölkədə 347 uşaq həlak olub, 648 uşaq yaralanıb. Məlumatı Ukrayna Baş Prokurorluğu yayır.

“Rusiya Federasiyasının genişmiqyaslı silahlı təcavüzü nəticəsində Ukraynada 995-dən çox uşaq zərər çəkib. 10 iyul 2022-ci il səhər saatlarına olan məlumata görə, gündəlik qurbanların rəsmi sayı dəyişməyib və 347-dir. Xəsarət alanların sayı artıb, 648-dən çox yaralı var”, – bəyanatda deyilir.

Prokurorluğun məlumatına görə, rəqəmlər yekun deyil. Çünki aktiv döyüş əməliyyatları, müvəqqəti işğal olunmuş və azad edilmiş ərazilərə monitorinq edilir.

İdarənin məlumatına görə, ən çox uşaq Donetsk, Xarkov və Kiyev vilayətlərində həlak oldu və xəsarət aldı.

Müəllif - Araz Mashov

Dünya