Ukrayna Azərbaycandan yeni marşrutla təbii qazı ilk dəfə alır

Ukraynanın Dövlət Neft və Qaz Şirkətinin məlumatına əsasən, Ukrayna Azərbaycan təbii qazını ilk dəfə test rejimində Trans-Balkan dəhlizi vasitəsilə, Rumıniya və Bolqarıstan üzərindən alıb.

“Naftogaz” təbii qazın tədarükü haqda “SOCAR Energy Ukraine” ilə müqavilə imzalayıb.

Məlumat üçün bildirək ki, iyulda Ukrayna mediası Trans-Balkan dəhlizi ilə test rejimində sutkada 160 kubmetr təbii qazın nəql olunduğunu yazmışdı.

Bu gün Ukrayna təbii qazın böyük hissəsini Macarıstan, Polşa və Slovakiyadan alır.