İki gün əvvəl Gürcüstan uğurla yeni prezidenti seçdi. Mən onu seçilməsi münasibətilə təbrik edirəm və qarşıdakı dövrdə ikitərəfli münasibətləri daha da gücləndirməyə hazır olduğumu ifadə etmək istərdim – bu haqda Türkiyənin Gürcüstandakı səfiri Ali Kaan Orbay Tsğaltuboda, “Tsğaltubo 500” yarımstansiyasının tikintisinin başa çatmasına həsr olunmuş tədbirdə çıxışında bildirib.

Ali Kaan Orbay bildirib ki, Türkiyə Gürcüstanla yaxın strateji tərəfdaşdır və birgə layihələr həyata keçirməklə regionda əməkdaşlığın daha da inkişaf etməsinə hazırdır.

“Bu mərasim Gürcüstanın siyasi həyatında çox mühüm əlamətdar hadisə ilə üst-üstə düşür. İki gün əvvəl Gürcüstan uğurla yeni prezidenti seçdi. Mən onu seçilməsi münasibətilə təbrik edirəm və qarşıdakı dövrdə ikitərəfli münasibətləri daha da gücləndirməyə hazır olduğumuzu ifadə etmək istərdim. Biz Gürcüstanla yaxın strateji tərəfdaş, qonşu və dost ölkəyik. Biz regionda sülhün, sabitliyin, firavanlığın və iqtisadi əməkdaşlığın daha da inkişaf etməsi üçün birgə layihələr həyata keçirməyə hazırıq” – Ali Kaan Orbay bildirib.