NATO-nun hərbi qüvvələri Türkiyənin hava məkanı yaxınlığında İrandan atılan ballistik raketi vurub – bu haqda məlumatı Türkiyənin Müdafiə Nazirliyi yayır.

Türkiyənin Müdafiə Nazirliyinin məlumatına əsasən, İrandan atılan və Türkiyənin hava məkanına daxil olmaq üzrə olan ballistik raket Şərqi Aralıq dənizində yerləşdirilən NATO-nun hava və raketdən müdafiə elementləri tərəfindən zərərsizləşdirilib.

“Ölkəmizin ərazisinə və hava məkanına qarşı yönəlmiş istənilən təhlükəyə qarşı bütün zəruri tədbirlər qətiyyətlə və tərəddüd etmədən görülür. Hadisənin bütün aspektlərini aydınlaşdırmaq üçün müvafiq ölkə ilə danışıqlar aparılır. Bölgədə gedən bütün hadisələrə diqqətlə nəzarət edilir və qiymətləndirilir, milli təhlükəsizliyimiz prioritetimizdir” – Türkiyənin Müdafiə Nazirliyinin bəyanatında qeyd olunub.