Türkiyənin xarici işlər nazirinin müavini Berris Ekinci Türkiyədə Gürcüstanın səfiri Arçil Kalandiyaya İkinci İliyanın vəfatı ilə əlaqədar başsağlığı verib. Məlumatı Türkiyədəki Gürcüstan səfirliyi yayıb.

“2026-cı il 19 mart tarixində Türkiyə Respublikasının xarici işlər nazirinin müavini Berris Ekinci Gürcüstanın katolikos-patriarxı İkinci İliyanın vəfatı ilə əlaqədar Türkiyə Respublikasında Gürcüstanın fövqəladə və səlahiyyətli səfiri Arçil Kalandiyaya Türkiyə hakimiyyəti adından başsağlığı verib.

Ankarada Gürcüstan səfirliyində açılmış başsağlığı kitabında Türkiyənin xarici işlər nazirinin müavini qeyd yazıb.

“Gürcüstanın katolikos-patriarxı İkinci İliyanın vəfatı xəbərini dərin kədərlə aldıq. Bu böyük itki ilə əlaqədar gürcü xalqına və pravoslav kilsəsinə başsağlığı veririk. Bu kədərli gündə gürcü xalqına qarşı həmrəyliyimizi və dəstəyimizi ifadə edirik”, – qeyd olunub