Türkiyənin daxili işlər nazirinin məlumatına əsasən, İstanbulun merinin həbsinə qarşı aksiyalarda 1879 vətəndaşı saxlayıblar, 260 nəfər barəsində ilkin həbs qərarı verilib
Türkiyədə İstanbulun merinin həbsinə qarşı aksiyalarda saxlanılan nümayişçilərin sayı 1900-ə çatır.
Bu barədə “Reuters” ölkənin daxili işlər nazirinin bəyanatına istinadən yazır.
Ali Yerlikaya martın 19-dan indiyədək mitinqlərdə 1879 nəfərin saxlanıldığını bildirib. Onun sözlərinə əsasən, onlardan 260-ı barəsində məhkəmə ilkin həbs qərarı verib, 489 nəfər azadlığa buraxılıb, 662 nəfərin işinə isə hələ də baxılır.
Nazir aksiyalar zamanı 150 polis əməkdaşının yaralandığını bildirib.
Türkiyənin ədliyyə naziri Yılmaz Tuniçin bəyanatına əsasən, Ankara avropalı tərəfdaşlarından “sağlam düşüncə” çərçivəsində hərəkət etmələrini xahiş edib.
O deyib ki, İstanbulun meri Ekrem İmamoğlu barəsində ciddi ittihamlar irəli sürüblər və onun həbsi zəruri olub.
“Biz heç bir siyasətçini həbs etmək istəmirik, lakin qanun pozuntularına dair sübutlar varsa, bu baş verəcək” – Türkiyənin ədliyyə naziri bildirib.
Məlumat üçün bildirək ki, İstanbulun merini martın 19-da saxlayıblar, bu isə ölkədə etiraz dalğası ilə müşaiyət olundu.
Bununla yanaşı, Türkiyənin müxalifət partiyası yenə də Ekrem İmamoğlunu prezidentliyə namizəd olaraq təsdiq edib.