Türkiyənin daxili işlər naziri bildirir ki, Bəşər Əsədin getməsindən sonra Türkiyədən Suriyaya 25 mindən çox suriyalı qaçqın qayıdıb

 
Bəşər Əsədin getməsindən sonra Türkiyədən Suriyaya 25 mindən çox suriyalı qaçqın qayıdıb – bu haqda Türkiyənin daxili işlər naziri Ali Yerlikaya bildirib.

2011-ci ildə Suriyada müharibə başlayandan sonra dörd milyona qədər suriyalı Türkiyəyə keçib. Medianın yazdığı kimi, Türkiyə Suriyanın yeni administrasiyası ilə sıx təmasdadır və hazırda bütün diqqətini suriyalı qaçqınların könüllü şəkildə geri qayıtmasına yönəldib.

Türkiyənin daxili işlər naziri qeyd edib ki, Dəməşq və Hələbdə Türkiyənin səfirliyi və konsulluğunda Türkiyədən qayıdan suriyalıların sayının monitorinqini aparacaq miqrasiya ofisi yaradılacaq.

Dekabrın 8-də Bəşər Əsəd rejiminin devrilməsindən təxminən bir həftə sonra Türkiyənin Dəməşqdəki səfirliyi fəaliyyətini bərpa edib.