Türkiyədə orta məktəblərdən birində silahlı hücum nəticəsində doqquz nəfər həyatını itirib, 13 nəfər isə yaralanıb – bu haqda məlumatı
“Associated Press” ölkənin Daxili İşlər Nazirliyinə istinadən yayır.

Medianın məlumatına əsasən, yaralılardan altısının vəziyyəti ağırdır. Bundan əvvəl həlak olmuş dörd nəfər haqda məlumat yayılırdı.

Kahramanmaraşın qubernatoru Mükerem Ünlüer məktəbdə baş verən hücum haqda danışarkən səkkizinci sinif şagirdinin məktəbdə atəş açdığını qeyd edib.

Yayılmış məlumata əsasən, çantasında odlu silahları məktəbə gətirən şagird iki sinif otağına daxil olub və atəş açmağa başlayıb. Hücumun motivi bu vaxtadək bilinmir. 14 yaşlı hücumçunun özü də həlak olub, lakin onun polis tərəfindən öldürüldüyü və ya intihar etdiyi bilinmir.

Türk mediasının məlumatına əsasən, hücumçunun atası hüquq-mühafizə orqanlarının əməkdaşları tərəfindən artıq saxlanılan sabiq polis məmurudur. Yerli hakimiyyət orqanları şagirdin atasının silahlarını götürdüyünü ehtimal edirlər. Onların məlumatına əsasən, məktəblinin beş silahı və yeddi patron darağı olub.