Türkiyədə İzmir əyalətində yanğın yaşayış zonasına yayılıb, 1 nəfər həlak olub, 200-ə yaxın ev zərər görüb

18:30, 03.07.2025

Türkiyədə İzmir əyalətində yaşayış zonasına yayılan güclü yanğınla mübarizə aparırlar.

“Reuters”in məlumatına əsasən, yanğın nəticəsində bir nəfər həlak olub.

Türkiyə hakimiyyəti Egey dənizinin Çeşmə kurortuna gedən bir neçə yolu bağlayıb.

Türkiyənin qərbində baş verən yanğınlar təxminən 200 evə zərər vurub.

Ölkənin daxili işlər naziri Ali Yerlikayanın bəyanatına əsasən, zərərçəkmişlərə alternativ yaşayış yeri artıq təklif ediblər.

Yanğına görə Türkiyədə həftənin əvvəlində 50 minə yaxın insan təxliyə edilib.

Müəllif - Sevinj Mustafaeva