Türkiyədə “Cümhuriyyət Xalq Partiyası”nın prezidentliyə namizədinin seçilməsi üçün səsvermə keçirilib, partiya həmrəylik əlaməti olaraq üzvlərini saxlanılmış Ekrem İmamoğluna səs verməyə çağırıb

 
Türkiyədə “Cümhuriyyət Xalq Partiyası”nın prezidentliyə namizədinin seçilməsi üçün səsvermə keçirilib.

İstanbul meri Ekrem İmamoğlunun həbsinə qədər, məhz o, 2028-ci ilin prezident seçkiləri üçün müxalifət partiyasının namizədi olaraq nəzərdən keçirilirdi.

Məhz bu səbəbdən partiya 1,5 milyondan çox üzvünü həmrəylik əlaməti olaraq saxlanılan Ekrem İmamoğluna səs verməyə çağırıb. İnsanların saxlanılan İstanbul merinə dəstək ifadə etmələri üçün Türkiyənin hər bir rayonunda seçki qutuları qoyulub.

Səsvermə başa çatdıqdan sonra İmamoğlu vəkilinin yardımı ilə vətəndaşların fəallığından xoşbəxt olduğunu bildirən məktub yayıb.

Xatırladaq ki, İmamoğlunu martın 19-da saxlayıblar. O, korrupsiyada və terror qruplaşmasına dəstək verməkdə ittiham olunur. Məhkəmə artıq İmamoğlunun barəsində həbs qətimkan tədbiri seçib. İstanbul merinin saxlanılmasından sonra media fəal şəkildə İmamoğlunun 2028-ci ilin prezident seçkilərində Ərdoğanın əsas rəqiblərindən biri olacağını yazırdı. Onun saxlanılmasından sonra Türkiyə miqyasında etiraz aksiyaları başladı. Artıq bir neçə gecədir ki, hüquq-mühafizə orqanlarının əməkdaşları ilə aksiya iştirakçıları arasında toqquşmalar baş verir. Martın 22-də gecə 323 nəfəri saxlayıblar.