Gürcüstanın Türkiyə Respublikası, İsveçrə Konfederasiyası və Lixtenşteyn Knyazlığı və Kuba Respublikasına yeni səfirləri təyin edilib. Bu haqda məlumatı Xarici İşlər Nazirliyi yayır.

Arçil Kalandia Türkiyə Respublikasında Gürcüstanın fövqəladə və səlahiyyətli səfiri olaraq təyin edilib. O, 2005-ci ildən Xarici İşlər Nazirliyində müxtəlif vəzifələrdə çalışır. 2018-2023-cü illərdə Arçil Kalandia Çin Xalq Respublikasında Gürcüstanın fövqəladə və səlahiyyətli səfiri vəzifəsini tuturdu. Arçil Kalandia fövqəladə və səlahiyyətli səfir diplomatik rütbəsinə malikdir.

Şota Qetsadze İsveçrə Konfederasiyası və Lixtenşteyn Knyazlığında Gürcüstanın fövqəladə və səlahiyyətli səfiri olaraq təyin edilib. O, məhkəmə sistemində müxtəlif vəzifələrdə böyük iş təcrübəsinə malikdir. O, həmçinin BMT-nin Qaçqınlar üzrə Ali Komissarlığının (UNHCR) və Miqrasiya Siyasətinin İnkişafı üzrə Beynəlxalq Mərkəzin (ICMPD) qaçqınlar və sığınacaq məsələləri üzrə ekspertidir, Avropa Şurasının seçki hüququ üzrə ekspertidir. 2015-ci ildən bu günədək Qaçqınlar üzrə Məhkəmə Hakimlərinin Beynəlxalq Assosiasiyasının üzvüdür.

Qriqol Baramidze Kuba Respublikasında Gürcüstanın fövqəladə və səlahiyyətli səfiri olaraq təyin edilib. O, Gürcüstanın Ermənistan Respublikasında fövqəladə və səlahiyyətli səfiri vəzifəsini tuturdu, fövqəladə və səlahiyyətli səfir diplomatik rütbəsinə malikdir.