Türkiyə parlamenti “Associated Press”in məlumatına görə, 15 yaşadək uşaqların sosial şəbəkələrə girişini qadağan edən qanunu qəbul edib.

Qanun bir həftə əvvəl Türkiyənin Kahramanmaraş şəhərində yerləşən bir məktəbdə 14 yaşlı yeniyetmənin doqquz şagirdi və bir müəllimi öldürməsindən sonra qəbul olunub.

Qanuna əsasən, sosial media şirkətləri yaşın yoxlanılması sistemlərini tətbiq etməli, valideyn nəzarəti mexanizmləri yaratmalı və uşaqlar üçün zərərli hesab edilən məzmuna sürətli reaksiya verməlidirlər.

Qanun qüvvəyə minərsə, YouTube, TikTok, Facebook və Instagram kimi platformalar 15 yaşdan kiçik uşaqlara hesab açmağı qadağan etməli olacaq. Qayda pozuntuları üçün cərimələr nəzərdə tutulur.

Hazırda qanun layihəsi Türkiyə Prezidenti Rəcəb Tayyib Ərdoğana təqdim ediləcək və onun təsdiqləməsi üçün 15 gün vaxtı olacaq.