Türkiyə Müdafiə Nazirliyi – Türkiyə aviasiyası İraqda “Kürdüstan Fəhlə Partiyası” mövqelərinə aviazərbə nəticəsində 81 hədəfi məhv etdi
Türkiyə aviasiyası İraqda “Kürdüstan Fəhlə Partiyası” mövqelərinə aviazərbə nəticəsində 81 hədəfi məhv etdi. Bu barədə məlumatı Türkiyə Müdafiə Nazirliyi “tvitter” səhifəsində yayır.
“Əməliyyat nəticəsində ölkəmizə, millətimizə və sərhədlərimizə hədə-qorxu gələn terrorçuların 81 obyekti məhv edilib. O cümlədən gizləndikləri yerlər və mağaralar məhv edildi”, – bəyanatda deyilir.
Türkiyə Müdafiə Nazirliyində bəyan etdiklərinə görə, hərbi hava əməliyyatı İraq ərazisində, Sincar, Kandil və başqa rayonlarda həyata keçirildi.