Türkiyə hakimiyyəti əhaliyə zəlzələ nəticəsində zədələnə biləcək binalara daxil olmamaları barədə xəbərdarlıq edir

Türkiyədə bir saat ərzində müxtəlif bal gücündə yeraltı təkanlar qeydə alınıb, bunlar arasında ən böyüyü 6,2 bal gücündə olub.

Yeraltı təkanlar ən çox Türkiyənin İstanbul şəhərində hiss olunurdu. Seysmoloji xidmətin məlumatına əsasən, zəlzələnin episentri Mərmərə dənizində, 7 kilometr dərinlikdə qeydə alınıb. Yeraltı təkanlar Türkiyənin paytaxtı Ankarada da hiss olunurdu.

Türkiyə hakimiyyəti əhaliyə zəlzələ nəticəsində zədələnə biləcək binalara daxil olmamaları barədə xəbərdarlıq edir. Bununla yanaşı, əhaliyə çox zərurət olmadıqca mobil telefonlardan istifadə etməmələrini tövsiyə edirlər.

Türkiyənin daxili işlər naziri Ali Yerlikaya evlərin və ya digər tikililərin uçması ilə bağlı hələlik məlumat almadıqlarını deyib.

“Allaha şükürlər olsun, hələlik heç kim 112-yə zəng edib və kömək istəməyib, evinin və ya binasının uçduğunu deməyib. Buna sevinirik. Bütün aidiyyatı nazirliklərin və bütün aidiyyatı xidmətlərin tam diqqəti buna yönəlib” – Yerlikaya bildirib.

Türkiyənin Nəqliyyat və İnfrastruktur naziri Abdulkadir Uraloğlu, ilkin yoxlamalar nəticəsində magistral yollarda və hava limanlarında heç bir zərərin qeydə alınmadığını bildirib.

“İlkin yoxlama zamanı magistral yollarda, hava limanlarında, qatarlarda və metrolarda heç bir zərər qeydə alınmayıb. Komandalarımız nəzarəti davam etdirir. Allah ölkəmizi və əziz millətimizi hər cür fəlakətdən qorusun” – Uraloğlu bildirib.

Bununla yanaşı, sosial şəbəkədə insanların binalardan çıxdığını əks etdirən video yayılır.