Türkiyənin hakim “Xalq Alyansı”nın gələcək prezident seçkilərində namizədi prezident Rəcəb Tayyib Ərdoğan olacaq

Türkiyənin hakim “Xalq Alyansı”nın gələcək prezident seçkilərində namizədi prezident Rəcəb Tayyib Ərdoğan olacaq – bu haqda hakim Ədalət və İnkişaf Partiyasının sözçüsü Ömer Çelik bildirib.

Ərdoğanın sədrliyi ilə keçirilən Ədalət və İnkişaf Partiyasının Mərkəzi Qərar və İdarə Şurasının iclasından sonra Çelik bildirib ki, partiyanın gələcək prezident seçkiləri ilə bağlı mövqeyi aydındır, çünki partiyanın bütün səlahiyyətli orqanları bu məsələdə qəti və ardıcıl mövqe nümayiş etdiriblər.

Ömer Çelik hakim koalisiyanın üzvü olan Milliyyətçi Hərəkat Partiyasının lideri Dövlet Baxçalının dəstəkləyici mövqeyini müsbət qiymətləndirib.

Türkiyədə növbəti prezident seçkilərinin 2028-ci ilin may ayında keçirilməsi planlaşdırılır.