“Tramp yolu” layihəsinin hazırlanması üçün ABŞ nümayəndə heyəti Ermənistana gəlib.

Erməni mediasının məlumatına görə, Ermənistana ABŞ-ın mühəndislik və konsaltinq şirkəti AECOM-un nümayəndə heyəti səfər edib.

Səfər ABŞ Dövlət Departamentinin Qlobal Tərəfdaşlıq Fondu adından həyata keçirilir və məqsəd “Tramp yolu” layihəsi üzrə hazırlıq tədqiqatlarının aparılmasıdır.

ABŞ-ın Ermənistandakı səfirliyinin məlumatına əsasən, işlər layihənin texniki-iqtisadi əsaslandırmasının öyrənilməsini, dəmir yolu və digər infrastrukturun tikintisi ilə bağlı təkliflərin hazırlanmasını əhatə edir. Bu isə Ermənistanın uzunmüddətli iqtisadi artımına, nəqliyyat infrastrukturunun inkişafına və regional inteqrasiyaya töhfə verməyi hədəfləyir.