“EuroBasket”in qrup mərhələsinin ilk turunda İspaniya yığması üzərində qələbədən sonra Gürcüstanın milli komandasının kapitanı Tornike Şenqelia Birinci Kanala şərh verib.

“Azarkeşlərə təşəkkür edirəm, hələ də duyğuluyam. Bir-birimizə və özümüzə inamımızı itirmədik, baxmayaraq ki, altı oyunda məğlub olduq və çoxları bizi dişbatan komanda zənn edirdi. Hər kəslə oynaya biləcəyimizi bir daha sübut etdik, bu komanda ilə qürur duyuram və həqiqi azarkeşlərimizlə hər zaman qürur duyacam.

Ritmə nəzarət edirdik, ispanların oyunu çox sürətlidir, əsas məqsədimiz məhz ritmə nəzarət etmək idi. Məqsədimiz 24 saniyə qaydasından maksimal şəkildə istifadə etmək və səbətin altından hücum etmək idi. Bu, nəticə verdi, bu, oğlanların, lakin əsasən məşqçinin sayəsindədir” – Şenqelia bildirib.

Gürcüstanın basketbolçulardan ibarət yığması “EuroBasket”də növbəti oyununu avqustun 30-da İtaliyaya qarşı keçirəcək, qarşılaşma saat 16:00-da başlayacaq və birbaşa reportajı Birinci Kanal sizə təqdim edəcək.