Gürcüstanın mədəniyyət naziri Tinatin Rukhadze Polşa Respublikasının işlər vəkili, missiyanın rəhbəri Artur Gebal ilə görüşüb.

Mədəniyyət Nazirliyinin məlumatına görə, tərəflər Gürcüstan və Polşa arasında mədəni əlaqələr və onların daha da dərinləşdirilməsi imkanlarını müzakirə ediblər.

Görüşdə teatr, ədəbiyyat, klassik musiqi, arxeologiya və muzey işi sahələrində birgə layihələrin həyata keçirilməsinin əhəmiyyəti vurğulanıb.

Həmçinin Gürcüstan və Polşa mədəniyyət nazirlikləri arasında əməkdaşlıq memorandumu imzalanması məsələsi də diqqət mərkəzində olub.

Görüşün sonunda tərəflər əməkdaşlığın daha da gücləndirilməsinə hazır olduqlarını bir daha təsdiqləyiblər.

Görüşdə Gürcüstan Mədəniyyət Nazirliyinin Beynəlxalq Əlaqələr Departamentinin rəhbəri Zurab Bakuradze də iştirak edib.