Tinatin Berdzenişvili Bonnda Konstruktiv Jurnalistika üzrə Qlobal Konfransda iştirak edib

Gürcüstanın Birinci Kanalının baş direktoru Tinatin Berdzenişvili Bonnda Konstruktiv Jurnalistika üzrə Dördüncü Qlobal Konfransda iştirak edib.

Paneldə – “Media liderləri niyə redaksiya strategiyası kimi konstruktiv jurnalistikanı seçirlər” mövzusunda müzakirələr aparılıb, məsələn: başqa bir pandemiya kimi qütbləşmə; Demokratiya, media və siyasətə inamın azalması kontekstində xəbərlərin işıqlandırılmasını başa düşmək. Müharibə və münaqişələri konstruktiv şəkildə necə işıqlandırmaq barədə də suallar verilib.

Paneldə Tinatin Berdzenişvili ilə yanaşı, Danimarka Televiziyasının direktoru, icraçı redaktoru və Deutsche Welle-nin Asiya departamentinin rəhbəri iştirak edib.

“Cəmiyyətimizdə, eləcə də mediada qütbləşmə yüksək səviyyədədir. Sual budur ki, baş verən hər şeyi bəyənirikmi? Aydındır ki, yox. Biz bunu bəyənmirik. Bizim daha yaxşı olmamağımız xoşumuza gəlmir və dəyişmək lazımdır. Necə dəyişmək olar? Fərqli həll yolları axtarmağa başladıq. Biz Ulrik Haagerupun bütün komanda üçün çox maraqlı olan kitabından ilham aldıq. Tezliklə tərcümə etdik və redaksiyamızda təqdimat etdik. Biz müxtəlif istiqamətlərdən olan jurnalistləri birləşdirmişik, lakin indi hamı başa düşür ki, bu bir məkandır və biz hamımız konstruktiv olmaq istəyirik”, – deyə Tinatin Berdzenişvili bildirib.