“Milli Hərəkat”ın sədri Tina Bokuçava səkkiz müxalifət partiyasına müraciət edir, sosial şəbəkədə dərc olunan paylaşıma görə “Federalistlər”in lideri Tamar Çerqoleişvili ilə bağlı qərar qəbul etsinlər.

Bokuçava bildirib ki, oktyabrın 4-dən sonra onlar düzgün qərarı birlikdə qəbul etməlidirlər.

“Qəti şəkildə inanıram ki, şəri şərlə, nifrəti nifrətlə, əxlaqsızlığı əxlaqsızlıqla məğlub edə bilməzsən. İvanişvilinin çürümüş rus rejiminə qarşı mübarizədə, əgər biz nifrətdə, əxlaqsızlıqda, qəddarlıqda ona bənzəsək, mütləq məğlub olacağıq. Mən etik normalar olmadan siyasətə inanmıram, əxlaqdan məhrum olan qələbəyə də inanmıram. Məqsəd vasitəyə haqq qazandırmır və qazandıra bilməz, xüsusilə, uşaqlar, onların rifahı, təhlükəsizliyi və xoşbəxtliyinə aiddirsə. Övladlarımızı tutan, döyən, işgəncə verən, zəhərləyən, qorxudan İvanişvilidən, İvanişvili kimi günahsız azyaşlı uşağı mübarizə alətinə çevirən, uşağa söyən, onu lənətləyən insanı nə fərqləndirir? Bu, tamamilə yolverilməzdir və istənilən siyasi və ya insani əxlaqın hüdudlarını aşır. Şəxsən mənim uşaqları söyən, lənətləyən siyasi fiqurla heç vaxt ortaq bir şeyim olmayacaq. 4 oktyabr rus xüsusi əməliyyatına qarşı birləşdiyimiz səkkiz partiya formatında olan bütün digər partiyalara müraciət edirəm, bu kontekstdə bu bəyanatın müəllifinin səkkizliklə münasibətinə son qoymaq barədə yeganə düzgün qərarı birlikdə qəbul edək” – Bokuçava yazır.