Monitorinq Komitəsi qətnamə üzərində işini artıq başa çatdırıb, ona əsasən İvanişvilinin nümayəndələri siyasi məhbuslar azad olunana və yeni, ədalətli seçkilər təyin olunana qədər Assambleyaya geri dönə bilməzlər – bu haqda “Birlik-Milli Hərəkat”ın sədri Tina Bokuçava bildirib.

“Monitorinq Komitəsi qətnamə üzərində işini artıq başa çatdırıb və gözləntilərimiz doğruldu. Bu qətnamə Avropa Şurası Parlament Assambleyasının yanvar sessiyasında qəbul etdiyi qətnamənin tələblərini təkrarlayacaq, qəbul edilən qətnamədə Gürcüstanda yeni, azad və ədalətli parlament seçkilərinin keçirilməsi, eləcə də bütün siyasi məhbusların azad edilməsi tələb edilmişdi və bu şərt olaraq qoyulmuşdu ki, yerinə yetirilmədən İvanişvili rejiminin nümayəndələri Assambleyaya geri dönə bilməzlər. Beləliklə, komissar Tsulukiani və İvanişvilinin digər adsız piyonları buraya nəzəri olaraq belə yalnız müxalifətin üzvləri kimi qayıdacaqlar, çünki biz hamımız çox yaxşı başa düşürük ki, azad, ədalətli və demokratik parlament seçkiləri İvanişvili rejiminin sonu deməkdir” – Tina Bokuçava bildirib.