“Vahid Milli Hərəkat”ın sədri Tina Bokuçava, həyat yoldaşı Kote İoselianinin qaçırıldıqdan və təzyiq edildikdən sonra Uta İvanişvilidən üzr istədiyini bildirir. Bu barədə Tina Bokuçava brifinqdə deyib.

“Gecə evimizin yaxınlığında 5 maskalı şəxs həyat yoldaşımı pusquya salıb. Bu 5 nəfər ona hücum edib, lakin onlar ciddi fiziki xəsarətlər yetirə bilməyiblər. Bu fiziki qarşıdurma nəticəsində həyat yoldaşımı avtomobilə mindirib, gözlərini bağlayıb, gözləri və əlləri bağlı vəziyyətdə naməlum istiqamətə qaçırıblar. Dəqiq yerini müəyyən etmək bizim üçün imkansızdır. Məsafə və trayektoriyadan irəli gələrək, güman edirik ki, onu qaçırıblar və saatlar boyunca dırnaqarası Modul binasında olub.

Oraya apardıqdan sonra onu qaçıranlar səkkiz saat boyunca ona təzyiq göstərib, ona gündəlik hərəkət marşrutundan bəhs ediblər, o cümlədən böyük, on yaşlı övladımızın məktəbinin və 2.5 yaşlı əkizlərimizin uşaq bağçasının yerindən bəhs ediblər. Bütün bu müddət ərzində ona hədə-qorxu gəlib və uşaqların təhlükəsizliyi ilə təhdid ediblər. Bütün gecə boyu həyat yoldaşımla əlaqə saxlamağa çalışırdım, lakin ona telefona çıxış imkanı vermirdilər” – Tina Bokuçava bildirib.

Kote İoseliani dünən sosial şəbəkədə video dərc edib və videoda “Gürcü Arzusu”nun təsisçisi Bidzina İvanişvilinin övladı Uta İvanişvilidən üzr istəyir.